VIGAN CITY – Sangapulo a ribo a pisos a gunguna ti maipaay kadagiti siasino man a makaited ti impormasion kadagiti kameng ti linteg no siasino dagiti agipastrek kadagiti baboy wenno meat product ditoy probinsia.
Ti nasao nga addang ket paset iti panangliklik ti African Swine Fever nga agrarairan idiay probinsiya ti Pangasinan ken dagiti sabali pay a probinsiya ditoy pagilian.
Dayta ti napagtutulagan dagiti kameng ti Ilocos Sur Hog Raisers Association kalpasan dagiti agsasaruno a pannakakemmeg dagiti aggandat nga agiserrek ti baboy ken meat products ditoy probinsiya kadagiti naglabas nga aldaw.
Dagiti baboy ken meat products a masalsalamaan dagiti pannakabagi ti linteg ket nasayaat iti pannakaidalimanek na tapnu saan nga agdanag dagiti tattao.
