Maysa a task force ti nabukel tapno parmeken dagiti iligal nga aktibidad nga adda pakainaiganna iti Internet Gaming Licenses, kas inwaragawag ti Philippine National Police.
Ti special task force a naawagan iti SKIMMER, ket isu ti manglaban kadagiti IGL activities babaen iti intelligence gathering, dagiti coordinated law enforcement operations ken legal actions.
Idaulwanto ni PNP Deputy Chief for Operations Police Lt. Gen Michael Dubria.
Segun iti PNP, dagiti Internet Gaming Licensees ti nangsukat iti Philippine Offshore Gaming Operators gapu kadagiti nagduduma nga isyu ken skandalo.
Manipud January 1, 2019 agingga July 15, 2024, nakairekord ti PNP iti 136 nga IGL-related incidents, a ti kidnapping for ransom ti kakaroan, sarunwen ti anti-trafficking in persons, kidnapping and serious illegal detentions, panaglabsing iti Access Devices Regulation Act of 1998, ken dadduma pay a krimen.
Segun iti PAGCOR, adda ti agdama nga uppat a pulo ket uppat a licensed IGLs iti pagilian.
