Nagsinnungbat iti social media da Senador Robin Padilla ken Philippine Coast Guard (PCG) spokesperson for the West Philippines Sea Rear Admiral Jay Tarriela kasaruno ti panagirruar ti state-backed media a China Daily ti maysa nga AI-generated video a mangilad-ladawan kadagiti Pilipino kas sunggo.
Immuna a kinarit ni Tarriela ni Padilla kadua ni Senador Alan Peter Cayetano nga i-demand ti China nga agkiddaw ti public apology kadagiti Pilipino kas ti panang-kondenar kenkuana idi ken panang-demand nga agkiddaw ti pammakawan iti panagaramat ti caricature ni Chinese President Xi Jinping.
Iti maysa met a facebook post, simmungbat ni Padilla ket impabasol na ken ni Tarriela iti maipagarup a panangrugi ti riri ken iti panang-imbento ti wartime propaganda.
Inlawlawag met ni Tarriela a saan a wartime propaganda ti transparency initiative da ngem maysa daytoy nga addang tapno maibutaktak dagiti aggression ken panang-harass ti China partikular kadagiti Pilipino a mangngalap ken dagiti barko ti Philippine Coast Guard ken Bureau of Fisheries and Aquatic Resources (BFAR).
