Nakakolekta ti Bureau of Internal Revenue (BIR) ti P1.998 trillion manipod Enero agingga Hulyo, nangato-ngato iti P100 billion wenno 5.16% nu yarig iti isu met la a panawen idi napalabas a tawen ken P9 billion a naglabes iti target.
Segun ken ni BIR Commissioner Charlito Mendoza, addan ti husto a dalan ti ahensia tapno magun-od iti intero a tawen ti target a P3.393 trillion.
Kagiddan dayta ket idurduron ti gobierno ti tax relief package a mangipangato ti tinawen nga income tax exemption manipod P250,000 agturong iti P350,000 ken mangikkat iti 2% minimum corporate income tax (MCIT) para kadagiti kualipikado a micro and small businesses.
Mapatta-patta a P66 billion ti mabalin a makissay iti sapul ti gobierno gapu iti dua a gakat.
Segun ken ni Mendoza, nasurok tallo a million a Pilipino ti mabalin a mairanud iti income tax cut, pakairamanan iti 1.2 million nga agbalin nga exempt iti income tax.
