VIGAN CITY – Inyunay-unay ni Dr. Marsha Michelle Cabuena a ti maysa a tao nga agsagsagaba iti diabetes ket saanen pulos a malaingan manipud iti nasao a sakit.
Iti pannaki-uman ti Bombo Radyo Vigan ken ni Dr. Cabuena, ti laeng rason ti panagtumaran ti agas ket saan a tapno maimbagan manipud iti daiabtes nu di ket tapno makontrol laengen ti blood sugar.
Innayonna nga amin nga Asian ket narisgo iti sakit a diabetes ket dakkel ti epektona dagiti taraon nga ipapauneg.
Inlawlawagna a ti panangkontrol ti taraon nga ipapauneg ket napateg tapno maliklikan ti nasapsapa a komplikasyon ti diabetes.
Innayon ni Dr. Cabuena a no baybay-an ti sakit a diabetes ket mabalin a maibilangton kas expensive disease.
Balakadna iti publiko a sursurwen a kontrolen dagiti ipapauneg tapno mailiklik iti sakit.
VC- DR. MARSHA MICHELLE CABUENA
