VIGAN CITY- Kaso a panaglabsing ti provincial ordinance o1 Article 4 Sec. 1 and 2 series of 2009 wennu ti panagaramat ti compressor a pagkalap iti sangwen dagiti 3 a mangngalap a nakemmeg dagiti kameng ti Sinait municipal police station idiay kabaybayan ti Cabangtalan, Sinait a nakalugan ti orange a motorized banca.
Nabigbig dagiti suspek nga isu da Mannuel Inniba Guzman nga agtawen iti dua pulo ket walo; Randolph Yere Guzman nga agtawen iti dua pulo ket tallo, baro ken Gerry Guzman Idnay nga agtawen iti lima pulo ket siyam, naasawaan ken agpapada nga agnaed idiay Brgy. La Virgen, Milagrosa, Badoc, Ilocos Norte.
Innala dagiti otoridad kadakuada ti air compressor nga inaramat da a pagkalap iti kabaybayan a ti kaadayo na ket tallo gasut a metro manipud iti bangkag, naduma-duma nga ikan a nakalap da ken fishing paraphernalia.
