--Ads--
VIGAN CITY- Kaso a frustrated homicide ti naipila kontra kada Joseph Vallejo nga agtawen iti dua pulo, Wilmar Vallejo nga agtawen iti uppat a pulo ket dua kenni Jaypee Riong nga agtawen iti dua pulo ket lima gapu ti mapapati a panangbagkong da ken ni Erwin Romerosa nga agtawen iti tallo pulo ket uppat idiay Brgy. San Sebastian, San Vicente idi naminsan a rabii.
Pito pulo ket dua a ribo a pisos iti kasapulan a pagpiyansa iti tunggal maysa kadagiti suspek para iti temporaryo a pannakawaya-waya da.
Ti agdama, adda pay laeng idiay Intensive Care Unit (ICU) ti Ilocos Sur Provincial Hospital- Gabriela Silang ti biktima a ni Erwin Romerosa nga agtawen iti tallo pulo ket uppat ta adda ti nagbalay a dara iti bukot na gapu ti pannakabagkong na.
