VIGAN CITY – Nakemmeg dagiti tallo a tao iti naisayangkat a checkpoint idiay Brgy. Tapao, Sinait kas pinasingkedan ni PLt. Joel Idica iti Sinait Police Station.
Iti pannaki-uman ti Bomboi Radyo Vigan ken ni Idica, naduktalanda a pineke da Gerome Villar, agtawen ti uppat a pulo ket maysa, baro, driver iti Isuzu Gigamax a 16 wheeler truck nga agnaed idiay Brgy.4 Pio Duran, Albay; Wilmar Asucro, agtawen ti tallopulo ket dua, naasawaan, helper nga agnaed idiay Brgy. Tumbo, Masbate City ken Maricris Durado, duapulo ket lima, balasang nga agnaed Brgy. 4, Pio Duran, Albay iti sticker ti checkpoint pass-da idi simrekda iti probinsia.
Segun ken ni Idica, dua laeng ti nakaipan iti checkpoint pass-da a nakalugan iti nasao a truck ngem naduktalanda nga adda pay maysa a babai a kaduada ket agturongda koma idiay Masbate tapno ideliber kadagiti taraken a linaon iti truck.
Kabayatanna, nagpalagip ni Idica kadagiti amin a dumalan iti checkpoint a surutenda amin a protocols tapno awan iti agbalin a parikot.
