VIGAN CITY – Tallo a swimmer pakairamanan ti dua a teenager ti inatake ti pating iti agsina nga insidente iti kabaybayan idiay Walton County, Florida.
Maysa nga agtawen iti uppat a pulo ket lima a babai ti aglanglangoy kaduana ti asawana iti Watersound Beach idi inatake ti pating isu a nagsagaba ti significant trauma iti midsection iti bagina ken paset ti takyagna.
Kasta pay a maysa a babai nga agtawen iti sangapulo ket lima ken agtawen iti sangapulo ket pito a kaduada ti gagayyemda iti nadunor gapu ti panagatake ti pating.
Ti maysa ket nagsagaba ti significant injuries isu a naipan iti Ascension Sacred Heart Pensacola Hospital ket kritikal ti kasasaadna idinto a ti maysa a biktima ket nagsagaba ti flesh wounds iti sakana isu a naipan iti Ascension Bay Medical Center ket nasayaaten ti kasasaadna.
