Tallo kadagiti uppat a nagsusugal idiay Manangat, Caoayan a benepisyaryo ken naikkan iti tulong manipod iti Social Amelioration Program iti gobierno iti kinemmeg iti Caoayan Municipal Police Station idi kalman.
Segun kenni PCapt. Henry Garcia ti Caoayan PNP, adda iti nangireport kadakuada nga agindeg iti panagsusugal dagiti uppat iti ruar iti pagtaenganda isu a nangisayangkatda iti operasyon ket dita a naatuan da iti panagay-ayam iti posuy dos da Christopher Rapacon, agtawen iti uppat a pulo ket tallo (43), naasawaan; Meldrick Rapacon, agtawen ti tallo pulo ket pito (37) (37),naasawaan; Emil Rapacon, agtawen ti tallo pulo ket dua (32), baro; Kenneth Blanza, agtawen iti dua pulo ket siam(29), naasawaan nga agpapada a construction worker ken agnaed idiay Barangay Manangat, Caoayan.
Gapo iti dayta ket nadismaya ni PCapt Garcia iti inaramid dagiti tallo ta karamanda a benepisyaryo iti social amelioration program ta para koman iti pamiliada iti nasao a gatad ngem inaramatda pay laengen a pinagsugal.
Naala kadakuada iti maysa a set iti baraha ken P826.75 ket iti agdama ket addadan iti kustodiya iti Caoayan PNP.
Kabayatanna, saan laeng a kaso inaig iti illegal gambling iti saguen dagiti nakemmeg no diketdi aminen a mabalin a maipila kadakuada iti panaglabsingda iti kangitingitan nga adda iti naiyetnag a pagannurutan iti gobierno inaig iti enhanced community quarantine.
