--Ads--
VIGAN CITY – Impakammu ni dati a Vice Mayor Fayinna Zaragoza Delgado a natalged ti kasasaadna kalpasan iti napasamak a dandani a pannakadungparna idiay Brgy. Rivadavia, Narvacan.
Iti pannaki-uman ti Bombo Radyo Vigan kenni Delgado, naimbitaranda nga agsarita para iti naangay a Miss Gay a paset ti fiesta ti nasao a barangay.
Kabayatan iti panagdiskurso ti dati nga opisyal ti ili dimteng ti suspek a ni Joan Cabbat agtawen ti uppat a pulo ket siam a nakalugan ti Yamaha Nmax ket mapapati a dungparenna ni Delegado ngem immuna a nasapgidna ni Kaysie Potencion.
Tallo nga kaso ti maipila kontra kenni Cabbat a frustrated murder, physical injury ken alarm and scandal.
-- ADVERTISEMENT --
