Saan a nakakaskasdaaw para iti maysa a political analyst ti galad nga impakita ni Vice President Sara Duterte iti naglabas a press conference na.
Iti pannaki-uman ti Bombo Radyo Vigan ken ni Ramon Casiple, dagiti sinarsarita ni VP Sara kontra iti Marcos ket maibilang a nasapa a panagsagsagananan a lumaban iti 2028 presidential elections.
Numan pay iti sabali a tao ket nakakaskasdaaw kadakuada, kinuna ni Casiple nga adda latta dagiti panawenda nga agkadua iti pulitika ken adda latta met panawen ti panagsinada.
Innayon ni Casiple a ti Duterte ken Marcos family ket saan met a talaga nga agkadua idi damo isu awan ti nakakaskasdaaw a makaisawang ti bise presidente ti maikontra kadagiti Marcos.
Nupay kasta, natalek ti nasao a political analyst a numan pay agul-ulimek ti pamilia Marcos ket nakabantayda kadagiti tignay dagiti Duterte.
