Nakasaganan ti maysa a swimmer manipod Ilocos Sur para iti panangipresentarna iti Pilipinas iti 12th Asian Age Group Championships a mapasamak idiay Bangkok, Thailand inton July 17 agingga 25, 2026.
Iti pannaki-uman ti Bombo Radyo Vigan ken ni Zyred Phoenix Pajas, umuna a gundawayna a makipaset iti international competition isu a napalaus iti panagsaganana kaduana ti coach-na tapno maipaay amin a kabaelanna.
Segun ken ni Pajas, apaman a na-qualify isuna iti Swimming Championship ken Tryouts idi Mayo for Asian Age Group Championships ket napalaus iti panagyamanna ken magagara iti pannakisalipna iti nasao a kompetisyon.
Kinunana a dagiti event a pakilabananna idiay Thailand ket pakairamanan iti 1500 meter freestyle, 500m freestyle, 400m freestyle, 200 butterfly ken 200 meter Individual Medley.
Gapu dayta ket nagpokus isuna iti panagsanay iti babaen iti panang-master iti 1500 meters tapno saan a dagus a mabannog bayat iti panaglangoyna.
Namnamaenna a ti napigsa a makalabanna iti Asian Age Group Championships ket iti pagilian iti China ken Singapore.
