VIGAN CITY- Nabigbigen ti suspek a mapapati a nangpaltog kenni Edison Racoma, agtawen ti dwa pulo ket dwa ken taga- Paratong, Vigan City idiay Barangay Ayusan Sur idi parbangon ti Lunes.
Segun kenni Police Chief Inspector Jerome Sinugo, Deputy Chief of Police ti Vigan City Police Station, ti suspek iti pammaltog ket ni Aaron Paul Dacumos a taga Poblacion, San Vicente kadwa na ti menor de edad nga agtawen ti sangapulo ket innem a nagmaneho ti motorsiklo ken John Michael Camacho nga agpada a taga Ayusan Norte, Vigan City.
Maipalagip a maibasar iti inisyal a report, sakbay iti pammaltog ket nagginnubal dagiti grupo ti suspek ken biktima idiay ruar iti maysa a bar.
Kalpasanna ket mapapati a sinurot dagiti suspek dagiti biktima ket tinambangan da idiay Brgy 7, Vigan City agingga a kinamat da agingga idiay Ayusan Sur nga isu iti nakapasamakan iti pammaltog.
