VIGAN CITY – Nadunor ni Edito Tubadeza Espiritu nga agtawen iti lima pulo ket siyam ken ti apo na nga agtawen iti pito gapu iti panangpalto-paltog iti mapapati a driver ti Dolores Mayor ken Abra gubernatorial candidate Robert Seares Jr. ken ti kabsat na a ni Dolores mayoralty candidate Ronald Seares, iti pagtaengan da idi rabii ti May 9 idiay Barangay Bayaan, Dolores.
Ni Espiritu ket nalatak a supporter ni Abra re-electionist governor Ma. Jocelyn Valera-Bernos kenni Dolores mayoralty candidate Engineer Conde Turqueza a kalaban dagiti agkabsat a Seares.
Naamuan a mang-mangan ti biktima ken ti pamilya na idi alas nuwebe iti rabii idi Huwebes idi nagsardeng iti sangwanan iti pagtaengan da ni Michael Galera nga agtawen iti dua pulo ket tallo a taga-Isit ket pinalt-paltogan na iti pagtaengan da.
Nagsagaba iti dua a tama iti paltog iti dua a luppo na ti biktima ken nadaplisan met iti akin- kannigid a pingping ti apo na.
Kabayatanna, pinaglibakan met ni Mayor Seares a ti driver da iti akin-aramid iti nasao a pasamak ngem manarimaanen iti imbestigasyon dagiti otoridad tapnu maamuan iti kinapudno.
