--Ads--
Inrusat ti Department of Education ti Supplier’s Registry platform a ti gagemna ket mapaalisto ti pannakaipatulod dagiti learning resources kadagiti amin a public schools iti intero a pagilian.
Dayta ket kalpasan a nakitaripnong dagiti opisial ti DepEd kadagiti 250 supplier ken service provider iti naisayangkat nga umuna a Suppliers’ Summit idi Marso 19-20.
Impaganetget ni Education Secretary Sonny Angara ti kinapateg ti akem dagiti supplier iti panangital-o iti procurement reforms iti uneg ti education sector.
Innayonna a ti panangpasyaat iti procurement procedures ti ahensia ket katukadna ti quality education para kadagiti agad-adal iti public school.
-- ADVERTISEMENT --
