Innallukoy dagiti sumagmmano a senador iti Philippine Atmospheric Geophysical and Astronomical Services Administration (PAGASA) a pasayaatenda ti accuracy ken clarity ti weather forecastda.
Kabayatan ti Senate plenary deliberations iti 2025 national budget, inyebkas dagiti agpapanday-linteg ti pakaseknanda maipapan iti agdama nga information dissemination system nga us-usaren ti PAGASA.
Maysa kadagiti napaliiw ni Senate Majority Leader Francis Tolentino ti pannakausar ti komplikado a terminology kadagiti weather bulletin, isu nga insingasingna a pasimpleen ti PAGASA ti language ken mangipaay kadagiti bulletin iti nadumaduma a Filipino dialects.
Umnamong met ni Senate Minority Leader Aquilino “Koko” Pimentel III ti sentemiento ni Tolentino, ken kinuna a makapariro iti agdama a rainfall ken wind signal warnings, partikular kadagiti estudiante a naapektaran iti pannakasuspenso ti klase.
Binigbig met ni Senador Juan Miguel “Migz” Zubiri, sponsor iti PAGASA budget a ti forecasting system ket makapariro, ken ken ti PAGASA ket ububraenda iti amin tapno mapasimple dagiti terminology.
Innayon pay ni Zubiri ti kaawan dagiti functional Doppler radars iti pagilian ti rason nga agkurang ti accurate rainfall information.
Gapu dayta, nagpanawagan ti senador ti ad-adu a pondo para iti pannakatarimaan ken pannakasukat dagiti a napateg nga equipment.
