Dagus nga iveto ni Presidente Ferdinand Marcos Jr dagiti sumagmamano nga elemento a nakaipalaon iti uneg ti Senate Bill 1979 wenno ti linteg a manglapped iti Teenage Pregnancy no maipilit a mailusot a saan pay a nareprepaso.
Idi laeng weekend a nabasa daytoy ti presidente ket nakigtot kadagiti dadduma nga elemento a linaonna.
Segun ken ni Marcos, idi laeng Huebes ket nagdawat iti opinyon kadagiti pagadalan inaig iti sex education.
Immunan a pinasingkedan ti presidente a gapu iti umad-adu a kaso ti teenage pregnancy, single mother, ken dagiti sakit a mainaig iti daytoy ket napateg a maisuro ti sex education kadagiti pagadalan.
Karaman ditoy ti patangan iti kina-teenager ti ina a saanna pay ammo ti agaywan ti ubing ken uray iti bagida no nasikuganda, kasta payen dagiti ipakanda iti maladaga.
