Pinaingetan dagiti airport iti Asya ti health monitoring kalpasan ti outbreak ti Nipah virus idiay West Bengal.
Lima a health workers idiay West Bengal iti nakaptan ti virus idi napan a lawas ket kritikal iti kasasaadda iti agdama.
110 a tattao met iti nakapinnulapokda nga ita ket naka-quarantinen.
Ti nasao a virus ket mabalin a mayakar manipod iti taraken nga ayup nga agturong iti tao ket dakkel ti tyansa ti death range manipod 40% agingga 75% ket awan pay iti agas ken bakuna para iti dayta.
Gapu dayta ket pinaingetan ti Thailand ti tallo nga airport-da ta nangisayangkatda iti screening kangrunaan kadagiti aggapu idiay India.
Uray idiay Nepal ket iningetandan dagiti sumangsangpet iti Kathmandu airport ken sumagmamano a land border-da iti India.
