Suicide attack iti asideg ti Karachi airport idiay Pakistan, dua a Chinese nationals ti natay

Dua a Chinese nationals ti natay ken sangapulo a tattao ti nadundunor iti maipagarup a suicide attack iti asideg ti Karachi airport idiay Pakistan.

Ti maikatlo a bangkay ket saan pay a nabigbig ngem maipagarup nga isu ti attacker.

Segun ti Chinese embassy idiay Pakistan a ti panagbettak idi rabii ti Domingo ket “terrorist attack” a nangpuntiria iti convoy dagiti Chinese engineers nga agtartrabaho iti power project iti probinsia ti Sindh.

Inawagan ni Pakistan’s Prime Minister Shehbaz Sharif ti panangraut a “heinous act” ken nakipaladingit kadagiti Chinese people.