VIGAN CITY – Inyunay-unay ni Presidential Task Force on Media Security (PTFOMS) Executive Director Usec. Paul Gutierrez a dagiti mangsugsog iti gubat iti tengga ti posibilidad nga adda mapasamak a gubat iti West Philippine Sea, ket rumbeng nga iti pamiliada ti umuna a sumango iti giera.
Segun kenkuana ken dagiti dadduma nga agpapanday-linteg nga uray ania mapasamak, nasken a nakasagana ti tunggal Pilipino, ken mabalin latta a marisut ti tension babaen ti umno a diskusion.
Innayonna pay a rumbeng a maadalan dagiti tattao iti pakasaritaan a no dumteng ti gubat ket saan met laeng a makatulong dagiti kaalyado a pagilian.
Kabayatanna, kinunana a no adda aniaman a panawagan ti gobierno para iti kasapulan a depensa ti pagilian, ket obligado iti amin uray ania ti estado wenno trabaho a sumungbat iti awag ti gobierno.
Iti Senado, agtultuloy ti pannakaiduron ti Mandatory ROTC kadagiti agtutubo kas panagsagana iti aniaman a pangta ti gubat wenno didigra a mabalin nga dumteng ditoy pagilian.
