Maysa nga Street Level Individual ti nakemmeg babaen iti buy-bust operation idiay Sitio Caloocan, Barangay San Juan, Sta. Lucia, Ilocos Sur, maibilang a drug-cleared barangay.
Ti suspek ket agtawen iti duapulo ket dua, buy and sell agent, agnaed iti nasao a lugar.
Nakumpiskar ti nasurok kumurang 2.55 grams ti maatap a shabu nga aggatad iti P17,340 a naikabil iti medium heat-sealed plastic sachet a nagserbi kas buy-bust item.
Dagiti met non-drug evidence ket pakairamanan ti sangapulo ket lima a piraso ti 1,000 boodle money a nagserbi kas buy-bust money, walopulo ket tallo a piraso ti plastic sachet packet, pagkiloan, lighter, ken getteng.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
