Nakemmeg ti maysa a lalaki iti naiwayat a buy-bust operation idiay Barangay Lubong, ili ti San Vicente.
Ti suspek ket maibilang nga street level individual ket agtawen ti tallopulo ket maysa, residente ti Brgy Binalayangan, Sto Domingo, Ilocos Sur.
Naala manipud ti suspek ti 0.73 grams ti mapapati a shabu nga aggatad ti P4, 964 a nakaikabil iti maysa nga heat sealed transparent plastic sachet – nagserbi a buy-bust item, ken 3.70 grams ti mapapati a napagango a marijuana nga aggatad ti P444 a nakaikabil iti maysa a piraso ti transparent plastic ice candy bag – nagserbi a possession.
Nakumpiskar pay dagiti non-drug evidence a pakairamanan ti maysa a piraso ti P500 a nagserbi a buy-bust money, sabali pay a P500, maysa a P20 peso coin, maysa a P10 peso coin ken sigarilyo.
Sangoen ti suspek ti kaso a panaglabsing ti Republic Act 9165 wenno Comprehensive Dangerous Drugs Act of 2002.
