Nakemmeg ti maysa a lalaki iti naiwayat a buy-bust operation idiay Barangay Mission, Nagbukel, Ilocos Sur.
Nabigbig ti suspek a ni Teody Dela Cruz Supnet, agtawen iti uppat a pulo ket walo, taga-Barangay Casilagan, Narvacan.
Iti pannaki-uman ti Bombo Radyo Vigan ken ni Police Captain Floro Cosning Jr., Officer n Charge ti Nagbukel Municipal Police Station, ti suspek ket maysa nga Street Level Individual a ti pagisaysayangkatanna iti operasyonna ket ti Barangay Mission.
Naala manipud iti suspek ti nasurok kumurang 0.30 grams ti mapapati a shabu nga aggatad iti PHP2,040 a naikabil iti tallo a piraso ti heat sealed transparent plastic sachet.
Dagiti non drug evidence ket pakairamanan ti maysa a genuine one-thousand-peso bill a buy-bust money; maysa a piraso ti genuine one-hundred-peso bill ken tallo a piraso ti duapulo a pisos a barya.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
