VIGAN CITY – Pinasingkedan ni Bombo International Correspondent Evangeline Pescador a dagiti kailian nga stay out ti trabaho ti kangrunaan a maap-apektaran ngem dagiti “stay-in” nga agtrabtrabaho idiay Madrid, Spain.
Segun kenkuana, dagiti laeng stay-in ti naisalbar ti trabahoda agsipud dagiti stay-out a kaaduan ket inikkat dagiti amoda ta agbutengda a maakaran ti sakit.
Kinunana pay a sa da la makaruaren no mapanda gumatang ti agas, taraon para ti inaldaw-aldaw ken no mairana nga adda emergency.
Saan met amin nga stay out ket mabalin mapan agtrabaho ta dagiti laeng naikkan ti konsiderasyon wenno permiso manipud kadagiti amoda nu mabalinda a mapan wenno saan ket dagiti met matiliw dagiti pulis ket mamuelta ti 600 euro a katukad ti tallopulo ket tallo a ribo a pisos.
