Imbida ni US Pres. Donald Trump ti naaramidanna iti uneg iti makatawen kangrunaan iti ekonomia ken seguridad iti pagilianda.
Segun ken ni Trump, bimmaba bayat ti administrasyonna ti core inflation a nadanon iti kababaan a lebel iti nasurok lima a tawen.
Kinunana nga inikkan ni dati a US Pres. Joe Biden iti Amerika ti kadakesan nga inflation iti pakasaritaan iti pagilian, a kabaliktad segun kadagiti kritiko.
Pinasingkedan pay ni Trump iti panagregta ti stock market a mapapati a nakairekord iti 53 “all-time record high” manipod nangabak kas presidente.
Kinunana pay a nakallaukoy iti administrasyonna iti nasurok $18 trillion investments iti umuna a tawen a panagtakemna.
Dinakamatna pay iti naaramid ti administrasyonna a pananglapped iti illegal immigrants ken panagserrek ti illegal fentanyl wenno maysa a klase ti painkiller iti pagilian a bimmaba iti 56% ken nairekord iti kababaan a bilang ti illegal immigrants iti border iti US-Mexico idi napan a tawen.
Imbidana pay ti napigsa a military ken kapulisan iti Amerika ket kinunana a mabutengen dagiti agkalikagum a mangkarit iti pagilian a nagtaud iti mapapati a panag-respeto manen iti Amerika.
