Nanayunan ti puersa ti kapulisan, ken dagiti first aiders idiay St. Peter’s Basilica a nakamasayagan ni Pope Francis tapno mabantayan ti seguridad dagiti tattao a mapan mangkita iti bangkay ti Santo Papa.
Iti pannaki-uman ti Bombo Radyo Vigan ken ni Fr. Bong Bayaras, mapalubosan dagiti adu a pila ti tao a mangiyarasaas iti kararagda ken ni Santo Papa iti apagbiit a kanito.
Nupay kasta, nainget a maiparit ti panagala iti ladawan ken video.
Sakbay pay a makastrek dagiti mapan ket dumalanda nga umuna iti X-ray screenimg.
Kabayatanna, kadagiti sumarsaruno nga aldaw ket mapasamakto met ti 9 days of national mourning isu nga addanto maaramid a panaglualo nga idaulwan dagiti cardinal ti simbaan.
Maituding pay met ti ‘conclave’ wenno ti panagbotosda iti sumaruno a Santo Papa.
