Nangipaay ti South Korean government iti P300 million a kontribusyon iti pagilian nga agpaay kas tulong pinansial kadagiti lugar nga inapektaran dagiti nagsasaruno a bagyo ita a bulan.
Ti pondo ket naidalan iti World Food Programme, kaduada ti Department of Social Welfare and Development a dimmanon metten kadagiti 14,500 a household nga adda ubbingna nga agtawen iti lima agpababa a nairehistro iti 4Ps wenno Pantawid Pamilyang Pilipino Program social assistance program.
Segun iti WFP, dagiti pamilia kadagiti dua a kangrunaan a naapektaran a probinsia ti Severe Tropical Storm Kristine nga isu ti Albay ken Camarines Sur ket makaawat iti tallo ribo a pisos a cash para iti dua a bulan nga igatangda iti taraon ken dadduma pay a kasapulanda.
Ti tulong pinansial ket kas nayon payen kadagiti food ken non-food items nga impaay ti gobierno sipud dimmuprak ti bagyo.
