Suportado ni House Deputy Majority Leader ken ACT-CIS partylist Rep. Erwin Tulfo, iti Sexual Orientation and Gender Identity and Expression and Sex Characteristics (SOGIESC) Equality bill.
Inyunay-unay ni Tulfo a ti pannakaipaulog daytoy a singasing ket mangsalaknib ti karbengan ti LGBTQIA+ community ditoy pagilian.
Segun kenni Tulfo a kas maysa a Katoliko, dati a seminario, suportaranna ti singasing gapu ta iti laksid a konserbatibo ti Catholic Church, bigbigen pay a mismo ni Pope Francis ti kaadda ti civil legislation para iti karbengan dagiti same-sex couples iti pension, health insurance, ken inheritance.
Innayonna pay a kas maysa a media practitioner, insingasing ni Tulfo ti epektibo a kampania ti panagiwaras ti impormasion tapno maipakaammo iti publiko ti nadakamat nga anti-discrimination bill.
