VIGAN CITY – Nagpanawagan ti Samahang Industriya ng Agrikultura a maipan iti Luzon dagiti sobra a suplay ti baboy idiay Mindanao tapno masupusupan ti agkurkurang a suplay gapu iti African Swine Fever.
Iti pannaki-uman ti Bombo Radyo Vigan ken ni SINAG Chairman Rosendo So, ti kurang a suplay ditoy Luzon ket posible a pagnginaan ti presyo dagiti karne ti baboy agingga tallogasut a pisos.
Gapu iti dayta, namnamaenda nga agtultuloy latta ti shipment ken patienna a maamak dagiti kaaduan nga agtartaraken isu a nagkissayda kadagiti takong ta walopulo agingga siam a pulo a porsiento kadagiti konsyumer ket kaykayatda ti kaparparti.
Kabayatanna, patta-pattaen ti opisial a nasurok makatawen pay a mapasaran ti kurang a suplay iti Luzon gapu ta awan pay laeng ti bakuna kontra iti ASF isu a maysa kadagiti met makitkitana a wagas ket ti panagangkatda iti Ilocos Norte ken Ilocos Sur ta isu tatta ti awan ti kasona iti nasao a sakit ti baboy.
