Nakemmeg ti maysa a street level individual iti naisayangkat a buy-bust operation idiay Barangay Immayos, San Juan, Ilocos Sur.
Ti panagtitinnulong dagiti otoridad ket nakemmeg ti suspek gapu iti panagilakona ti maysa a bassit a transparent plastic sachet a naglaon iti mapapati a shabu iti nagpammarang a buyer.
Naala manipod ti suspek iti tallo a piraso ti small heat-sealed transparent plastic sachets nga adda kargana a mapapati a shabu nga agdagsen iti nasurok-kumurang 0.883 a gramo nga aggatad iti P6,004, maysa a piraso ti medium heat-sealed transparent plastic sachet a naglaon iti mapapati a napagango a marijuana nga agdagsen iti 1.940 a gramo nga aggatad iti P232.00, buy-bust money ken maysa a pakete iti sigarilyo.
Naipan ti suspek pakairamanan dagiti naala a drug evidence iti Ilocos Sur Provincial Forensic Unit, Bulag, Bantay para iti laboratory examinations ken drug testing.
