--Ads--
VIGAN CITY- Naoperaanen idi rabii ti February 25 ti babai nga agtawen iti siyam a nakaalimon ti piso idi rabii ti February 23, aldaw ti Sabado, idiay Subec, Sta. Catalina.
Segun ken ni Paulino Raganit nga ama ti biktima, alas syete y media ti rabii ti Sabado idi napan da gimmatang ti naituno a hotdog a kinnan ti biktima agingga a bigla nga agpaarayat ti ubing ta natilmon na ti piso nga iggem na idi kankanen na iti ginatang da a hotdog.
Saan da a kinabaelan a sinukit ti piso a naalimon ti biktima ta nagsullat iti karabukob na isu a naoperaan.
Ti agdama, natalgeden iti kasasaad ti ubing a manarimaan nga agpapaimbag idiay Ilocos Sur Provincial Hospital- Gabriela Silang.
-- ADVERTISEMENT --
