--Ads--
Nagipila ni Leyte Rep. Richard Gomez ti singasing a pannakaiparit dagiti soft drinks ken dadduma pay a sugary drinks kadagiti opisina ti gobierno tapno makatulong a mangtaming iti parikut iti diabetes ti pagilian.
Inyunay-unay ni Gomez a ti panaglako iti soda ken dadduma pay a nasam-it a mainum kadagiti opisina ti gobierno ket mabalin a pakaigapuan ti diabetes, sakit ti puso, ken dental problems.
Segun ken ni Rep. Gomez, kakuykuyog pay daytoy ti sumagmamano a health policies ken programs kas iti gannuat ti National Nutrition Council a mangi-promote ti healthy eating habits ken ti kampania ti Department of Health kontra kadagiti lifestyle-related diseases.
