Im-imbestigaran ti Department of Migrant Workers (DMW) dagiti shipowner ken Philippine manning agency a karaman iti lima a barko nga adda Filipino seafarers na a naraut iti Strait of Hormuz ken Black Sea.
Segun ken ni Migrant Workers Secretary Hans Leo Cacdac, maammuan iti imbestigasyon no nalabsing dagiti kompania ti DMW rules iti panag-deploy dagiti Filipino seafarer iti high-risk ken war-like areas.
Karaman pay a masukisok ti panangsurot iti baro a direktiba a mangiparit kadagiti manning agency nga agpa-board ti Pilipino crew kadagiti barko nga agturong idiay Northern Black Sea.
Maysa kadagiti insidente ti panagatake idi Agosto 31 iti Saudi-flagged crude oil tanker nga MT SIDR idiay Strait of Hormuz nga adda nakalugan a sangapulo ket innem a Filipino seafarers ken dua ti natay.
