VIGAN CITY – Posible nga inton umay a lawas ket maipatulod ton dagiti alikamen a masapul para ti midterm elections inton umay a bulan ta addan dagiti alikamen a naipatulod kadagiti adayo a lugar ditoy pagilian.
Segun ken ni Commission on Elections (Comelec) spokesman James Jimenez iti pannaki-uman ti Bombo Radyo Vigan, inyuna da nga inpatulod dagiti alikamen a mausar iti panagpipili inton umay a bulan kadagiti nasusulinek a lugar ditoy pagilian ket maud-udin to dagiti asideg a lugar kas idiay National Capital Region (NCR).
Adda payen dagiti nakasagana a contingency machine a naka-standby kadagiti regional offices ti Comelec nu kaspangarigan kasapulan to dagiti naduma-duma a provincial, municipal ken city Comelec offices.
Maipalagip nga idi laeng kalman a nalpas iti pannakaiyimprenta dagiti balota a mausar iti panagpipili inton umay a bulan nga umabot iti pakabuklan nga innem a pulo ket maysa a milyon.
