--Ads--
Natay ti saan a nababbaba ngem 8 a tao gapu iti napigsa a tudo nga epekto ti shear line idiay Davao Region, segun iti Office of Civil Defense.
Pinasingkedan ni OCD Region XI Director Edna Dayangirang nga 4 kadagiti natay ket manipud iti Davao de Oro, idinto a ti dadduma ket manipud iti Davao Oriental.
Amin dagiti natay ket gapu iti panagreggaay ti daga gapu iti napigsa a tudo.
Mapatta-patta a 20,000 a pamilia ti naapektaran iti saan a nasayaat a paniempo idiay Davao de Oro ken umabot iti P376 million ti nadadael iti agrikultura iti lugar.
-- ADVERTISEMENT --
Inyunay-unay ni Dayanghirang a kasapulan a masimpa ti drainage system kadagiti kangrunaan a kalsada tapno maliklikan ti layus.
