VIGAN CITY – Masapul a maikkan iti flu vaccine ken pneumonia vaccine kadagiti senior citizen tapno masalakniban da kadagiti naduma-duma a sakit kas iti coronavirus disease.
Dayta iti pinasingkedan ni dati a Health Secretary ken agdama a House Deputy Minority Leader- Iloilo Representative Janette Garin iti pannaki-uman kenkuana ti Bombo Radyo Vigan.
Segun kenni Garin, maibasar iti linteg ket adda iti pondo para iti pannangbakuna ti Department of Health kadagiti senior citizen isu a masapul nga agtinawen nga adda ti flu vaccine a maited kadakuada idinto a maisayangkat met iti pneumonia vaccine kadagiti agtawen ti innem a pulo ken innem a pulo ket lima.
Innayonna pay a no kas pangarigan a maakaran dagiti senior citizen ti covid-19 ket saan a makastrek iti bagi ti secondary bacterial infection isu a dakkel iti posibilidad a maagasanda kontra ti COVID.
