VIGAN CITY – Kinarit ni Senador Sherwin Gatchalian ni Bamban, Tarlac Mayor Alice Guo nga ag-DNA test kaduana ti mapapati nga inana a ni Wen Yi Lin tapno maamoan nu maysa a Chinese national ti biological mother-na.
Segun ken ni Gatchalian, nagdaras ti agimbento ti istorya isu a nasaysayaat nga agpa-DNA test da Mayor Guo ken Wen Yi tapno mapaneknekanda a saan a pudno dagiti rumrumuar nga impormasyon.
Immunan a pinasingkedan ni Gatchalian a posible nga ina ni Mayor Guo ni Wen Yi ta kanayon a karaman ti naganna kadagiti dokumento ti family business-a.
Sangagasut pitopulo a daras a nagbiahe ni Wen Yi kaduana ti ama ni Mayor Guo a ni Jian Zhong Guo.
Inton June 5 ti intuding ti Senado nga executive session inaig ti kwestyonable a kinatao ni Mayor Guo ken ti posible a koneksyonna tin a-raid a POGO idiay Bamban a mapapati a nainaig ti surveillance activity ken hacking iti dadduma a website iti gobierno.
