Nagpanawagan ti Integrated Bar of the Philippines iti Senado nga akman a patas ken nawaya ti trabahoda mainaig iti warrant of arrest ti International Criminal Court kontra ken ni Senador Bato dela Rosa, kasta payen ti impeachment case ken ni Vice President Sara Duterte.
Nadakamat pay ti IBP ti panagtultuloy a liderato ti Senado kas paset iti mandatona iti salinong ti Konstitusion.
Sumangsango ni Dela Rosa iti warrant of arrest manipud iti ICC para iti kaso a crimes against humanity of murder gapu iti mapapati a panagbalinna nga indirect co-perpetrator kadagiti pammapatay idi 2016 agingga April 2018.
Naidalan iti protective custody ti Senado idi Lunes ngem kinumpirmaran ni Senate President Alan Peter Cayetano nga awanen iti uneg ti pasdek ni Dela Rosa ta nakapanaw iti alas dos y media iti parbangon.
