Natalek ni Senate President Tito Sotto III a saan nga agbalin a rason ti pannakaikkatna a lider ti Senado ti nakaituding a panagsubli ni Senate President Pro Tempore Panfilo Lacson kas Chairman ti Senate Blue Ribbon Committee.
Impaganetget ni Sotto a mismo a dagiti kakaduada iti majority bloc ti mangayat nga agsubli ni Lacson ken ituloy iti panangidaulona iti imbestigasyon mainaig iti anomaly ti flood control projects.
Nagsarita ni Sotto kasaruno ti ballaag ni Lacson a mabalin a makissayan ti miembro ti majority bloc ken mapukaw ken ni Sotto ti Senate Presidency nu awatenna manen ti chairmanship.
Segun ken ni Sotto, nasanayen iti pagannurotan iti Senado isu nga awan iti kabutengna.
Pinaglibakan ken kinatawaan laengen ti Senate President ti impormasyon a naisalbar isuna iti posisyon iti panagikkat ni Lacson idi October 6.
Innayonna a nakaru laeng ti frustration ni Lacson gapu kadagiti kritisismo a naawatna manipod iti padana a senador isu a napilitan a nagikkat.
