--Ads--
Nagpanawagan ni Senador Robin Padilla iti pada na a senador a talyawen ken suportaran ti impila na a gakat a Senate Bill No. 372.
Daytoy ket gagem na nga amyendaran ti Juvenile Justice and Welfare Act (Republic Act No. 9344) tapno maibaba manipud sangapulo ket lima a mapan iti sangapulo a tawen ti criminal responsibility para kadagiti menor de edad a mairaman iti heinous crimes.
Daytoy ket kalpasan ti insidente ti pammaltog iti maysa a pagadalan idiay Tacloban City a nakatayan ti tallo nga indibidwal ken saan a bumaba iti sangapulo pay ti nadunor.
Nabigbig a dagiti suspek iti insidente ket agpada nga estudyante a menor de edad.
-- ADVERTISEMENT --
