Napan ni Senador Loren Legarda idiay Mindanao partikular iti General Santos City tapno mangisayangkat ti relief operation kadagiti pamilia a nakaro a naapektaran ti magnitude 7.8 a ginggined.
Immuna a napan ti grupo ni senador Legarda idiay Barangay Calumpang ket personal a nangipaay ti food packs ken ules kadagiti residente.
Simmaruno iti Barangay Dadiangas North ken Barangay Lagao ket nakaawat dagiti apektado pamilia ti bagas, danum ken ules.
Immabot ti panangipaay ti senador ti tulong agingga Glan, Sarangani ket naabotan met dagiti biktima ti ginggined ti relief goods ken dadduma pay.
Pinasingkedan ni senador Legarda a napateg a makadanon ti tulong kadagiti pinaka-apektado tapno maiparikna kadagiti biktima nakasagana a tumulong ti gobierno iti panagbangon da kalpasan ti napasaran a didigra.
