Impasigurado ni Senate Secretary Renato Bantug Jr., ti kinasagana iti seguridad ti Senado no bilang mapanunotan ni Vice President Sara Duterte a sumango iti impeachment trial.
Maipalagip nga idi aldaw ti Martes ket bigla a simmangpet iti Senado ni VP Sara tapno makitaripnong iti defense team-na ngem saan a simmango iti trial.
Karaman kadagiti napagpatangan iti coordination meeting ti security arrangement no bilang mapan ti bise presidente iti aldaw ti trial.
Segun ken ni Bantug, kanayon a nakasagana ti protocol office-da tapno makaited iti naan-anay a tulong ania man nga oras a mapakaammoanda mainaig iti isasangpet ti bise presidente.
Iti agamda ket awan pay ti pakaammo no sumangper ni VP Sara iti trial ta uray ti prosekusyon ket binilinda ti chief of staff-na a ni Lopez a dumar-ay.
