Kagudua dagiti senador ti umanamong iti gakat nga agresulta ti pannakaitantan ti nakatuding a Barangay at Sangguniang Kabataan Elections (BSKE) inton Nobyembre 2, 2026.
Pinasingkedan ni Senator Juan Miguel Zubiri, kayat ni Senador Francis Escudero a maaddaan ti dagus a decision ti Senado mainaig iti gakat tapn o maaddaan ti nalawag a direksion ti Commission on Elections (COMELEC) iti panagsagana ti eleksion.
Immunan nga impaganetget ni COMELEC Chair George Erwin Garcia a kayat da a maammuan sakbay a malpas ti bulan ti Setyembre ti agbalin a pinal a decision dagiti agpampanday linteg no matuloy wenno maitantan ti nadakamat a BSKE.
Inlawlawag ni Zubiri a ti gakat ni Escudero ket saan a direkta iti postponement bill ngem maysa a gakat a panangsimpa wenno fixing of term dagiti barangay at Sangguniang Kabataan (SK) officials.
