--Ads--
Kinumpirmaran ni Senate Secretary Renato Bantug Jr. ti extension ti medical leave ni Senator Loren Legarda.
Segun ken ni Bantug, nagipatulod ti opisina ni Legarda ti notice iti leave-na iti impeachment trial ken plenary sessions manipod August 24 agingga 26 ken September 1 ken 2.
Saan met a naibagan no ania iti rikriknaen ti senadora ken no sadino iti ayanna.
Ti nasao a medical leave ket isun iti maikapat nga impasa ni legarda manipod pay idi August 3.
-- ADVERTISEMENT --
Immunan a kinumpirmaran dagiti otoridad a pimmanaw iti pagilian ni Legarda a nagturong idiay France idi August 2, mano nga aldaw kalpasan a nadakamat ti Office of the Ombudsman a maim-imbestigaran dagiti agina a Legarda ken Cong. Leandro Leviste maipanggep ti P10 billion a ghost solar projects.
