Impaganetget ni Senador Imee Marcos a rumbeng nga idauluan dagiti agpampanday linteg ti panangisayangkat ti lifestyle check.
Ti addang ket kasaruno ti bilin ni President Ferdinand Marcos a dumalan ti lifestyle check dagiti opisyal ti Executive Department kalpasan ti kontrobersyal a ghost projects.
Impaganetget ni Sen. Marcos a kas senador ket rumbeng nga agbalin a napintas nga ehemplo iti dadduma a politiko.
Inlawlawagna a kas tumaktakder a lider iti pagilian ket rumbeng agbalin a lider payen iti panangidaulo iti aniaman a lifestyle ken dadduma pay a panagmonitor iti gobierno.
Kinunana a rumbeng nga uray iti panangiruar ti Statement of Assets Liabilities and Networth (SALN) ket rumbeng nga idauluan dagiti senador ta public document dayta.
Innayonna a saan laeng nga iti lifestyle check a malpas iti isyu ti flood control projects nu diketdi rumbeng a maimbestigaran ken madusa pay dagiti opisyal.
