Namnamaen ni Impeachment Court Presiding Officer Senator Francis Escudero a marisuten ti Korte Suprema ti patangan iti bilang ti botos a kasapulan tapno ma-decision iti maysa a respondent iti impeachment trial.
Segun ken ni Escudero, agtaltalinaed a 16 a botos wenno 2/3 ti kabuklan a 24 a miembro ti senado ti kasapulan maibasar iti Constitution.
Inlawlawag na nga uray 21 laeng ti agdama nga aakitibo a senador gapu ta nakabalud da Senador Jinggoy Estrada ken Senador Rodante Marcoleta, idinto nga agduldulin ni Senador Ronald Bato Dela Rosa, masapul a bantayan latta ti two-thirds vote ket ti kabuklan ti 24 a puwesto iti Senado
Kasaruno daytoy, impaganetget ni Escudero a nasaysayaat a ti mangrisut ti patangan ket ti Korte Suprema no adda mangipila ti petision.
Innayon ti senador a gagem ti impeachment process a leppasen dagiti isyu ti a sangsangoen ti pagilian ken saan a manglukat ti baro a legal a tension kalpasan ti trial.
