Nagsarita manen ni Sen. Erwin Tulfo ken ni Sen. Rodante Marcoleta kasaruno iti napasamak a sinnungbat iti Senado idi May 26 gapu iti patangan iti panagbaliw ti Senate rules.
Sinublian ni Tulfo ti mapapati nga “ad hominem” attack nga inaramid ni Marcoleta maipanggep ti legal background ni Sen. Risa Hontiveros nga immunan a binabalaw ni Tulfo bayat nga adda pay laeng isuna iti plenaryo.
Segun ti senador, panagatake iti kinatao ken karakter ni Hontiveros iti inaramid ni Marcoleta, imbes nga atake iti isyu iti pagpatangan iti plenaryo.
Kinuna a saan a rebbeng ti pinasingkedan ni Marcoleta ta awan ti legal background iti maysa a senador, kangrunaan ket ti inatakena ket adda iti Senado iti uneg iti nasurok sangapulo a tawen.
Insaludsod pay ni Tulfo ken ni Marcoleta no saanna a napanunot da Sen. Camille Villar, Sen. Mark Villar, Sen. Bong Go, Sen. Robin Padilla, Sen. Jinggoy, ken Sen. Joel Villanueva a mabalin a masakitan iti nasao a saritana.
Impaganetgetna pay a sangapulo ket innem a senador iti adda ita iti Senado iti saan nga abogado ngem adu kadakuada iti araramidenda iti trabahoda kas agpampanday linteg.
