Impaganetget ni Senador Bato Dela Rosa nga awan ti forever iti panagbalin a Philippine National Police wenno PNP Chief kalpasan a naikkat iti nasao a puesto ni Police General Nicolas Torre III.
Segun ken ni Dela Rosa a dati a PNP Chief, ti addang ket kinaagpaysu iti serbisyoda iti PNP nga aniaman nga oras ket mabalinda a masukatan isu a rumbeng a masaganaan.
Nupay kasta ket awan ti impormasyon ni Dela Rosa iti pannaka-ikkat ni Torre kas PNP Chief kangrunaan iti isyu a panangabuso iti bilegna.
Natalek ni Dela Rosa a saan nga apektado iti moral dagiti polis ta nasanayen iti PNP iti kasta a maar-aramid ken kas maysa nga organisasyon ket napaspasda laeng a maka-adopt iti saan a ninamnama a panagbalbaliw.
Innayonna a prerogative ti presidente dagiti maikkat wenno madutokan ti puesto nga uray saan nga agkiddaw iti palawag ti PNP.
