Sektor ti agrikultura iti maikadua a quarter, dimmur-as iti 2.9 percent

Dimmur-as iti 2.9 percent ti produksion ti agrikultura ken panagkalapan ditoy pagilian iti maikadua a quarter ti 2026, maibasar iti Philippine Statistics Authority.

Umabot iti P452.22 billion ti gatad ti produksion gapu iti dimmur-as a mula, panagtaraknan iti dingwen, ken panagkalapan.

Ngimmato ti produksion ti irik iti 5.7 percent nga immabot iti rekord a 4.63 milion a metriko tonelada idinto a dimmur-as ti mais iti 0.8 percent.

Dakkel ti ngimmatwan ti poultry, katukad iti 6.3 percent, livestock a 3.6 percent ken fisheries a 2.7 percent.

Segun iti Department of Agriculture, nakatulong ti temporaryo a pannakaisardeng ti rice importation idi napan a tawen tapno ngumina ti farmgate prices ken maallukoy dagiti mannalon nga agmula.